काठमाडौं, १८ पुस । अतिरिक्त शुल्क लिएको भन्दै विद्यार्थीहरुले काठमाडौं मेडिकल कलेजमा तालाबन्दी गरेका छन् ।

राष्ट्रिय चिकित्सा शिक्षा आयोगले एमबिबिएस र बिडिएस संकायमा ४० लाखसम्म शुल्क लिन पाइने व्यवस्था गरेपनि काठमाडौं मेडिकल कलेजले निर्धारित शुल्कभन्दा करिब २० लाख अतिरिक्त शुल्क लिएको भन्दै विद्यार्थीहरु निरन्तर विरोधमा छन् ।

आइतबार विद्यार्थी, अभिभावक र संयुक्त विद्यार्थी संगठनले भक्तपुरको दुवाकोटमा रहेको कलेज भवनमा तालाबन्दी गरेका हुन् ।