४ जिल्लामा कोरोनाको शून्य संक्रमण

काठमाडौं, २९ मंसिर । देशभर ४ जिल्लामा हाल कोरोनाको शून्य संक्रमण रहेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा मनाङ, डोल्पा, हुम्ला र बाजुरा जिल्लामा संक्रमण संंख्या शून्यमा झरेको हो ।
मन्त्रालयका अनुसार ५ सयभन्दा बढी सक्रिय संक्रमित रहेको जिल्ला भने दुई वटा मात्र छन् । काठमाडौं र ललितपुरमा ५ सयभन्दा बढी संख्यामा सक्रिय संक्रमित छन् ।
२ सयदेखि ४९९ सक्रिय संक्रमित हुने जिल्ला ५ वटा छन् । सुनसरी, भक्तपुर, कास्की, बाँके र कैलालीमा २ सयदेखि माथि र ४९९ भन्दा कम सक्रिय संक्रमित रहेका छन् ।
धेरै जिल्लाहरुमा १ देखि २ सयभित्र सक्रिय संक्रमित रहेको स्वास्थ्य मन्त्रालयका प्रवक्ता डा. कृष्ण पौडेलले जानकारी दिए ।