जनकपुरधाम, ५ मंसिर । मधेसी पीडालाई नजिकबाट बुझ्ने, भाषा अभियन्ता तथा साहित्य स्रष्टा समेत रहेका मधेश प्रदेशका प्रदेश प्रमुख डा. सुरेन्द्र लाभ कर्णलाई मैथिली साहित्यकार सभाले बधाई ज्ञापन गरेको छ ।

साहित्यकार सभाका पदाधिकारीहरूले प्रदेश प्रमुख कर्णलाई सम्मानका साथै प्रदेशमा भाषा, संस्कृति र साहित्य प्रवद्र्धनमा अग्रसर रहेको योगदानप्रति कृतज्ञता व्यक्त गरे ।

कार्यक्रममा सभाका सभापति अरविन्द कुमार यादव, संस्थापक सभापति प्रेम विदेह ललन, सह–सभापति रामाशीष मण्डल, उपसभापति मोति झा ‘मिथिला’, कार्यपाल अरुण कुमार राउत, सह–कोषपाल राजेश कुमार महतो तथा कार्यसमिति सदस्य विनोद कुमार मिश्रको उपस्थिति रहेको थियो ।

साहित्यकारहरूले प्रदेश प्रमुख कर्णलाई मातृभाषा तथा स्थानीय संस्कृतिको संरक्षण र विकासमा अझ सक्रिय भूमिका खेल्न आग्रह गर्दै निरन्तर सहयोग रहने प्रतिबद्धता व्यक्त गरेका थिए ।