जनकपुरधाम, १५ असोज । जनकपुरधामको प्रसिद्ध शक्तिपीठ माता राजदेवी मन्दिरमा बलिप्रदान सम्पन्न भएको छ । यसबर्ष राजदेवी मन्दिरमा १४ हजार ९०३ बोकाको बलि दिइएको हो ।

निशा पूजा सम्पन्न भएलगत्तै राति ८ बजेर ३३ मिनेटदेखि सुरु भएको बलिप्रदानको कार्यक्रम बिहान ३ बजेर ५५ मिनेटसम्म चलेको थियो ।

बलि प्रदानका लागि हजारौंको संख्यामा श्रद्धालु भक्तजनहरु मंगलबार दिउँसैदेखि लाइनमा लागेका थिए । बोकाबलीका लागि यसपालि ४ वटा अस्थायी ठेहा राखिएको थियो ।

प्रत्येक ठेहामा १० जनाको समूहमा स्वयंसेवक परिचालित गरि प्रतिमिनेट ४० को संख्यामा बलिप्रदान गरिएको महावीर युवा कमिटीका महासचिव भरत प्रसाद साहले जानकारी दिए ।

बलिप्रदान कार्यक्रमलाई व्यवस्थित बनाउन आयोजक महावीर युवा कमिटीले ५ सयको संख्यामा स्वयंसेवक परिचालन गरेको थियो । बोकाको लाइनसहित डोरी र व्यवस्थापनको लागि समेत प्रतिठेहा १० जना जनशक्ति खटाइएको थियो ।

राजदेवी मन्दिरमा कुन वर्षमा कति बलिप्रदान?
२०६६ साल– ११, ७९३
२०६७ साल – १३, ५५२
२०६८ साल – १२, ६५१
२०६९ साल – १४, ८६१
२०७० साल – १४, ८६१
२०७१ साल – १४, ८६१
२०७२ साल – १४, ६१७
२०७३ साल – १३, ८०१
२०७४ साल – १२, ३०७
२०७५ साल – १४, ९९७
२०७६ साल – १४, ९९७
२०७७ साल – ८, ९६८
२०७८ साल – १४, ३६६
२०७९ साल – १४, ९४१

२०८० साल – १५, २५१

२०८१ साल – १५, ००४

२०८२ साल – १४, ९०३