जनकपुरधाम, ६ असोज । जिल्ला प्रहरी कार्यालय धनुषाले इन्स्पेक्टर जटाशंकर यादवलाई महिनाको उत्कृष्ट प्रहरी घोषित गरेको छ ।

इलाका प्रहरी कार्यालय ढल्केवरमा कार्यरत यादवले अपराध नियन्त्रण र जेनजी आन्दोलनको समयमा कार्यालयको सुरक्षा सुनिश्चित गर्न उल्लेख्य योगदान पुर्याएका कारण यो सम्मान पाएका हुन् ।

जिल्ला प्रहरी प्रमुख एसपी नरहरि रेग्मीका अनुसार इन्स्पेक्टर यादवले आन्दोलनको क्रममा कार्यालयमा भौतिक तथा मानवीय क्षति हुन नदिने महत्वपूर्ण भूमिका निर्वाह गरेका थिए । उनको नेतृत्व र सक्रियताले कार्यालय सञ्चालन सामान्य रूपमा कायम राख्न मद्दत पुगेको बताइएको छ ।

प्रहरीहरूले भने यस्तो प्रकारको सम्मानले मात्र प्रहरीकर्मीको मनोबल बढाउने नभई स्थानीय सुरक्षा व्यवस्थामा पनि सकारात्मक प्रभाव पर्ने विश्वास व्यक्त गरेका छन् ।