काठमाडौँ, ५ असोज । राष्ट्रिय आविष्कार केन्द्रका अध्यक्ष महावीर पुनलाई सुशीला कार्की नेतृत्वको अन्तरिम सरकारले शिक्षा, विज्ञान तथा प्रविधि मन्त्रालयको जिम्मेवारी दिएको छ ।

आइतबार राष्ट्रपति रामचन्द्र पौडेलले पुनलाई यस मन्त्रालयको मन्त्री पदमा नियुक्ति गरेका हुन् । प्रधानमन्त्री कार्कीले पुनलाई शिक्षा मन्त्रीका लागि प्रस्ताव गरेकी थिइन् ।

महावीर पुन राष्ट्रिय आविष्कार केन्द्रमार्फत नवप्रवर्तन, रोजगारी सिर्जना र विज्ञान–प्रविधि क्षेत्रमा गरेका योगदानका लागि परिचित छन् । उनका यस क्षेत्रका अनुभव र अनुकरणीय कार्यहरूले उनलाई शिक्षा मन्त्रालयको नेतृत्वका लागि योग्य उम्मेदवार बनाएको बताइएको छ ।