जनकपुरधाम, १ असोज । नेपाल पुस्तक तथा स्टेशनरी व्यवसायी महासंघ धनुषा शाखाले भदौ २३ र २४ गते भएको जेनजी आन्दोलनको क्रममा निधन भएका विद्यार्थी, सर्वसाधारण नागरिक तथा सुरक्षाकर्मीप्रति श्रद्धाञ्जली अर्पण गरेको छ ।

बुधबार जनकचोकमा आयोजित श्रद्धाञ्जली सभामा महासंघका पदाधिकारी, सदस्य र स्थानीय व्यवसायीहरूले मृतकहरूको सम्झनामा मौन धारण गर्दै श्रद्धाञ्जली अर्पण गरेका थिए ।

कार्यक्रममा वक्ताहरूले शहीदहरूको बलिदान र उनीहरूले जनचेतना जगाउन खेलेको भूमिकाको स्मरण गर्दै जनतामा सामाजिक जिम्मेवारी र सहिष्णुताको महत्व उजागर गरेका थिए ।

कार्यक्रममा उपस्थित स्थानीय व्यवसायी र नागरिकहरूले शहादतको महत्व, शान्तिपूर्ण आन्दोलनको मूल्य र समुदायमा एकता कायम राख्ने आवश्यकतालाई जोड दिएका थिए ।