जनकपुरधाम, १ असोज । संघीय लोकतान्त्रिक मोर्चाले हालै जेनजी आन्दोलनका क्रममा शहादत प्राप्त गरेका शहीदहरूलाई श्रद्धाञ्जली अर्पण गरेको छ ।

बुधबार जनकपुरधाममा आयोजित श्रद्धाञ्जली सभामा सहभागी नेता, कार्यकर्ता र स्थानीय नागरिकहरूले शहीदहरूको बलिदानलाई सम्झँदै ‘वीर शहीद अमर रहुन’ उद्घोष गरेका थिए ।

सभामा मोर्चाका नेताहरूले आन्दोलनमा शहीद भएकाहरूको योगदान र बलिदानको स्मरण गर्दै लोकतन्त्र, समानता र समावेशिताका लागि संघर्ष जारी राख्ने प्रतिवद्धता व्यक्त गरेका छन् । कार्यक्रममा उपस्थित नागरिकहरूले पनि शहीदहरूको सम्झनामा मौन धारण गरी श्रद्धाञ्जली अर्पण गरेका थिए ।

मोर्चाका नेता रामविनोद चौधरी भन्छन्, ‘जेनजी आन्दोलनमा शहादत प्राप्त गरेका शहीदहरूको बलिदान कहिल्यै बिर्सिन सकिँदैन । उनीहरूको योगदानलाई जनमानसमा सदैव जीवित राख्ने छौं ।’