काठमाडौं, २९ भदौ । अन्तरिम सरकारकी नयाँ प्रधानमन्त्री सुशीला कार्कीले पदभार ग्रहण गरेकी छन् । शुक्रबार प्रधानमन्त्री नियुक्त कार्कीले आइतबार बिहान सिंहदरबार पुगेर औपचारिक रूपमा पदभार सम्हालेकी हुन् ।

पदभार ग्रहण गर्नुअघि उनले लैनचौरस्थित शहीद स्मारकमा माल्यार्पण गरेर श्रद्धाञ्जली अर्पण गरिन् ।

कार्कीको पदभार ग्रहणसँगै अन्तरिम सरकार औपचारिक रूपमा कार्यान्वयनमा आएको छ । नयाँ नेतृत्वको पहिलो प्राथमिकता शान्ति, स्थिरता र आन्दोलनले उठाएका माग सम्बोधन गर्ने रहेको बताइएको छ ।