काठमाडौं, २७ भदौ । काठमाडौं महानगरपालिकाका मेयर बालेन साहले जेनजीको आन्दोलन र बलिदानमार्फत देशले परिवर्तन पाएको बताएका छन् ।

नवनियुक्त प्रधानमन्त्री सुशीला कार्कीको शपथलगत्तै सामाजिक सञ्जालमार्फत प्रतिक्रिया जनाउँदै साहले युवापुस्ताले देखाएको साहस र प्रतिबद्धताले भविष्यका पुस्तालाई देशप्रेम र कर्तव्यबोधको मार्गदर्शन गर्ने उल्लेख गरेका छन् ।

साहले भनेका छन्, ‘प्रिय जेनजी, तपाईंहरूको योगदान र बलिदानबाट देशले परिवर्तन पाएको छ । वीर शहीदहरूलाई हार्दिक श्रद्धाञ्जली । तपाईंहरूको योगदान अमूल्य छ । यसले सधैँ भावी पुस्तालाई देशप्रेम र कर्तव्यबोधको मार्गदर्शन गर्नेछ । तपाईंहरूप्रति असीम सम्मान छ ।’

उनले आन्दोलनका क्रममा घाइते भएकाहरूको शीघ्र स्वास्थ्यलाभको पनि कामना गरेका छन् ।