काठमाडौं, २७ भदौ । नवनियुक्त प्रधानमन्त्री सुशीला कार्कीले पद तथा गोपनीयताको शपथ लिएलगत्तै शीतल निवास परिसर युवापुस्ताको उत्साहले गुञ्जायमान बनेको छ ।

जेनजीका सयौँ युवाहरू शपथ समारोह सकिएलगत्तै हातमा प्लेकार्ड र झण्डा बोकी नाराबाजीमा उत्रिएका थिए । उनीहरूले परिवर्तनको माग पुरा भएको भन्दै खुसीयाली मनाए ।

शान्तिपूर्ण र उत्साहपूर्ण शैलीमा गरिएको प्रदर्शनलाई सुरक्षा निकायले निगरानी गरेको छ ।

युवाहरूले कार्कीलाई देशको पहिलो महिला प्रधानमन्त्रीको रूपमा स्वागत गर्दै ‘यो हाम्रो आन्दोलनको जित’ भन्दै नृत्य गरेर उल्लास मनाएका थिए ।