काठमाडौं, २७ भदौ । राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीलाई देश बचाउन शुभकामना दिएका छन् ।

शुक्रबार शीतल निवासमा आयोजित विशेष समारोहमा कार्कीलाई प्रधानमन्त्रीको शपथ दिलाएपछि राष्ट्रपति पौडेलले संक्षिप्त शुभकामना दिँदै भने, ‘ल सफल हुनुस्, देश बचाउनुस् ।’

राष्ट्रपतिको उक्त भनाइलाई ध्यानपूर्वक सुनेकी कार्कीले जवाफमा केही थप नगरी मात्र ‘धन्यवाद’ दिएकी थिइन् ।

नवनियुक्त प्रधानमन्त्रीको यो छोटो संवादलाई राजनीतिक वृत्तले प्रतीकात्मक तर महत्त्वपूर्ण सन्देशका रूपमा लिएको छ ।