जनकपुरधाम, २६ भदौ । जिल्ला प्रशासन कार्यालय धनुषाले अर्को आदेश नभएसम्म धनुषा जिल्लामा कर्फ्यू आदेश जारी गरेको छ ।

बिहीबार साँझ ६ बजेदेखि भोलि २७ गते बिहान ६ बजेसम्म लागु हुने गरी जिल्ला सुरक्षा समितिको निर्णयअनुसार प्रमुख जिल्ला अधिकारी शङ्करहरि आचार्यको अध्यक्षतामा बैठक बसेको थियो ।

सूचनामा स्थानीय प्रशासन ऐन, २०२८ को दफा ६ को उपदफा (३ क), (६ क) तथा (६ ख) अनुसार जनकपुरधाम उपमहानगरपालिकासहित सम्पूर्ण धनुषा जिल्लामा कर्फ्यू आदेश लागु गरिएको हो ।

यसअघि आजै बिहान ११ बजेदेखि साँझ ५ बजेसम्म जिल्ला भरि कर्फ्यू जारी गरिएको थियो । प्रशासनले कर्फ्यू उल्लङ्घन नगर्न सर्वसाधारणलाई सचेत गराएको छ ।