जनकपुरधाम, २५ भदौ । विषम परिस्थितिका कारण मंगलबार बन्द भएका त्रिभुवन अन्तर्राष्ट्रिय विमानस्थलका हवाई उडान आजदेखि पुनः सञ्चालन हुन लागेका छन् ।

नागरिक उड्डयन प्राधिकरणका अनुसार आज बसेको विमानस्थल सुरक्षा समितिको बैठकले उडान पुनः सुचारु गर्ने निर्णय गरेको हो ।

यात्रुहरूलाई आफ्नो वायुसेवा कम्पनीसँग सम्पर्क गरी उड़ान समयको जानकारी प्राप्त गरेर मात्र विमानस्थलमा आउन आग्रह गरिएको छ । साथै, आधिकारिक हवाई टिकट र परिचय खुल्ने कागजात अनिवार्य रूपमा साथमा राख्नुपर्ने प्राधिकरणले बताएको छ ।

त्रिभुवन अन्तर्राष्ट्रिय विमानस्थलका महाप्रबन्धकको जानकारी अनुसार हवाई उडान पुनः सुचारु गर्ने निर्णयले यात्रुहरूको सहज आवतजावत सुनिश्चित गर्नेछ ।