काठमाडौं, ८ फागुन । नेपाल प्रहरीका अतिरिक्त महानिरीक्षक (एआईजी) रवीन्द्र केसीको राजीनामा स्वीकृत भएको छ । उनले सेवा अवधि पूरा नगरी राजीनामा बुझाएका थिए ।
सूचना, सञ्चार र प्रविधि मन्त्री पृथ्वीसुब्बा गुरुङका अनुसार मन्त्रीपरिषद् बैठकले केसीको राजीनामा स्वीकृत गरेको छ । केसीको राजीनामा आगामी ५ चैतसम्मको सेवा अवधिमा स्वीकृत भएको जानकारी दिइएको छ ।
गत २६ पुसमा मन्त्रिपरिषद् बैठकले रवीन्द्र केसीलाई अतिरिक्त महानिरीक्षकको पदमा बढुवा गरेको थियो । तर, एक महिना बित्न नपाउँदै उनले राजीनामा दिएका छन् । केसीको राजीनामाले नेपाल प्रहरीको उच्च तहमा अचानक परिवर्तन ल्याउने निश्चित भएको छ ।
राजीनामाको कारण र केसीको भविष्य के होला भन्ने विषयमा थुप्रै प्रश्नहरू उठिरहेका छन् । तर, उनले यसको बारेमा कुनै सार्वजनिक टिप्पणी गरेका छैनन् ।
