एजेन्सी, २५ फागुन । बलिउड अभिनेता एवं निर्देशक सतीश कौशिकको ६६ वर्षको उमेरमा निधन भएको छ ।

अभिनेता अनुपम खेरले ट्विट गर्दै आफूले प्रिय साथी गुमाएको भन्दै उनको निधनको पुष्टि गरेका हुन् ।

खेरले आफूसँगको ४५ वर्षको मित्रतामा पूर्णविराम लागेको पनि उल्लेख गरेका छन् ।

दिल्लीको गुरुग्राममा आफन्त भेट्न गएका कौशिकलाई हृदयघात भएको थियो । हृदयघातभएपछि उनलाई दिल्लीको फोर्टिस अस्पताल लगिएको थियो ।

उनको त्यहाँ उपचारको क्रममा निधन भएको हो । कौशिकले ‘मिस्टर इन्डिया’, ‘दिवाना मस्ताना’ लगायत चर्चित चलचित्रमा अभिनय गरेका छन् ।

१३ अप्रिल १९६५ मा हरियाणामा जन्मिएका कौशिक अभिनय, व्यंग्य, पटकथा लेखन, निर्देशन र फिल्म निर्माणमासमेत चर्चित थिए ।