सर्लाही, १८ पुस । सर्लाहीमा मोटरसाइकल दुर्घटना हुँदा ३ जनाको मृत्यु भएको छ ।

जिल्लाको ईश्वरपुर नगरपालिका–३ बयलवास भक्तिपुर सडकखण्डस्थित सागरनाथ जंगलमा मोटरसाइकल दुर्घटना हुँदा मोटरसाइकलमा सवार तीनै जनाको मृत्यु भएको प्रहरीले जनाएको छ ।

जिल्ला प्रहरी कार्यालय सर्लाहीका प्रवक्ता प्रहरी नायव उपरीक्षक माधव प्रसाद बुढाथोकीका अनुसार सागरनाथबाट बयलवासतर्फ जाँदै गरेको बा १९प ७१९७ नम्बरको मोटरसाइकल शनिबार राति आफैं अनियन्त्रित भई सपेताको रुखमा ठोक्किएर बाटोभन्दा १० मिटर तल लडेर दुर्घटना भएको थियो ।

दुर्घटनामा परि ईश्वरपुर नगरपालिका–१० दशबिगाहाका २२ वर्षीय अरुण सिंह, २० वर्षीय श्रगम बिक र २२ बर्षीय रोहन सिंहको मृत्यु भएको डीएसपी बुढाथोकीले बताए ।

तीनै जनाको घट्नास्थलमै मृत्यु भएको र उनीहरुको शव पोष्टमार्टमका लागि जिल्ला अस्पताल मलगंवा पठाइएको प्रहरीले जनाएको छ ।