जनकपुरधाम, १४ पुस । डाक्टर सीके राउत नेतृत्वको जनमत पार्टीले बुधबार धनुषासहित प्रदेश २ का ६ जिल्लामा आज चक्काजाम गरेको छ ।

सिरहाको आन्दोलनलाई समर्थन जनाउँदै धनुषासहित सप्तरी, सिरहा, सर्लाही, रौतहट र बारामा चक्काजाम गरेको हो ।

यस्तै मोरङ्ग, सुनसरी, महोत्तरी, पर्सा, नवलपरासी, रूपन्देही, बाँके र बर्दियामा ¥याली निकाल्ने कार्यक्रम रहेको जनमत पार्टीको सचिवालयले जनाएको छ ।

पार्टीले मंगलबार साँझ जिल्लाको विभिन्न स्थानमा मशाल जुलुस निकालेको र बुधबार जिल्लाभर चक्काजाम गरिएको पार्टीको धनुषास्थित आन्दोलन समितिका दिपनारायण यादवले बताए ।

सिरहाको औरही गाउँपालिकाले वितरणका लागि राखेको विऊ किसानले लुटपाट गर्दा प्रहरीले मुद्दा चलाएपछि जनमत पार्टी आन्दोलित बनेको छ ।

जिल्लागत रुपमा पार्टी आन्दोलन कमिटीले चक्काजामको घोषणा र उल्लघंन गर्नेलाई कारबाही गर्ने चेतावनीसमेत दिएको छ । यद्यपी जनमतको चक्काजामको भने खासै कुनै प्रभाव देखिएको छैन् ।