पर्सा, १३ पुस । पर्साबाट लागुऔषधसहित प्रहरीले एक युवकलाई पक्राउ गरेको छ ।

पक्राउ पर्नेमा वीरगञ्ज महानगरपालिका वडा नम्बर–१३ मुर्ली बस्ने १९ वर्षीय बिक्रम सर्राफ रहेको जिल्ला प्रहरी कार्यालय पर्साले जनाएको छ ।

जिल्ला प्रहरीबाट खटिएको टोलीले विशेष सूचनाको आधारमा उनलाई पक्राउ गरेको हो ।

प्रहरीले सर्राफको साथबाट लागु औषध नुफ्रिन ३५० एम्पुल, डाइजीपाम ३५० एम्पुल र फेनारगण ३५० एम्पुल गरी जम्मा १०५० एम्पुल बरामद गरेको पर्साका प्रवक्ता एवं प्रहरी नायब उपरीक्षक प्रल्हाद कार्कीले जानकारी दिए ।

पक्राउ परेका उनीमाथि आवश्यक अनुसन्धान भईरहेको डीएसपी कार्कीले बताए ।