बाराबाट स्रोत नखुलेको १६ लाख रुपैयाँसहित एक भारतीय पक्राउ

बारा, १० पुस । बाराबाट स्रोत नखुलेको लाखौं रुपैयाँसहित एक भारतीय नागरिकलाई प्रहरीले पक्राउ गरेको छ ।
पक्राउ पर्नेमा भारत बिहारको मोतिहारी ग्राम पञ्चायत बेलदर्वा–५ बस्ने ३० बर्षीय रन्देश कुशवाहा रहेका छन् ।
बारा जिल्ला प्रहरी कार्यालयको टोलीले उनलाई बाराको कलैयाबाट स्रोत नखुलेको १६ लाख रुपैयाँसहित पक्राउ गरी सार्वजनिक गरेको बारा प्रहरीले जनाएको छ ।

