काठमाडौं, १० पुस । नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एकीकृत समाजवादीसँग एकता हुन सक्ने बताएका छन् । राष्ट्रिय सम्मेलनको पूर्वसन्ध्यामा सम्पादकहरूसँग छलफल गर्दै उनले यस्तो बताएका हुन् ।

उनले यसअघि पनि सँगै रहेको उल्लेख गर्दै माधव नेपाल पनि ढिलो चाँडो एक ठाउँमा आउने बताए । ’माधव नेपालसँग हामी ढिलो चाँडो एक ठाउमा हुन्छौँ । हामी यसअघि पनि आफैँ छुट्टिएको होइन’ उनले भने ।

उनले जबरजस्ती निर्वाचन जितेर नेतृत्व सही आउन नसक्ने बताए । नेतृत्वले औपचारिकता मात्र नभइ विचार र जनमत बोक्नुपर्ने उनको भनाइ छ । उनले बुर्जुवाले जस्तो निर्वाचन नचाहेको बताए ।

उनले आफूहरू जनतासँग जोडिर अगाडि बढ्ने धारणा राखे । अहिले देश दुई धारमा विभाजित भएको बताए । उनले शान्ति प्रक्रियामा आएपछि कमीकमजोरी भएको पनि स्वीकार गरेका छन् ।