जनकपुरधाम, ९ पुस । नेपाली काँग्रेस प्रदेश २ को नयाँ नेतृत्वका लागि जारी मतगणनामा संस्थापन पक्षकै पदाधिकारीहरु अगाडी देखिएका छन् ।

पदाधिकारीहरुको पछिल्लो मतगणना परिणाम अनुसार संस्थापन पक्षकै उम्मेदवारहरु अगाडी देखिएका हुन् । पछिल्लो मतपरिणामा अनुसार संस्थापन पक्षको तर्फबाट उपसभापतिमा विरेन्द्र प्रसाद सिंह ३७० मत सहित अग्रस्थानमा छ भने सोही समूहका चन्देश्वर प्रसाद यादवले पनि अहिलेसम्म ३२१ मत ल्याएका छन् ।

अहिलेसम्म जारी मतगणना अनुसार संस्थापन ईतरका उपसभापति पदका उम्मेदवार विनोद कुमार खनालले २७६ मत तथा धनलाल ठोकरले २४७ मत ल्याएका छन् । त्यस्तै, प्रदेश महामन्त्री पदमा संस्थापन पक्षका उपेन्द्र कुमार यादव ३५६ र बृहस्पति कृष्ण श्रेष्ठले ३७० मत प्राप्त गरेका छन् ।

संस्थापन ईतरका प्रदेश महामन्त्री पदका उम्मेदवार नरेश कुमार यादवले ३०७ मत तथा हरेश प्रसाद महतोले २४९ मत प्राप्त गरेका छन् । खुल्ला सहमहामन्त्री तर्फ संस्थापन पक्षका जयनारायण यादवले ३०७ मत र परशुराम चौधरीले पनि ३०७ मत प्राप्त गरेका छन् ।

त्यस्तै महिला सहमहामन्त्री तर्फ पनि संस्थापन पक्षकै उम्मेदवारहरु अगाडी रहेको प्रदेश निर्वाचन समितिका संयोजक प्रल्हाद गौतमले जानकारी दिए ।