एजेन्सी, ९ पुस । बंगलादेशको सुगन्धा नदीमा एक यात्रुवाहक डुङ्गामा आगलागी हुँदा ३० जनाको मृत्यु भएको छ । यो घटना बंगलादेशको झालकोटी जिल्लामा भएको हो ।

उद्धार कार्य जारी रहेकोले मृत्यु हुनेको संख्या अझ बढ्न सक्ने बताइएको छ ।

‘एमवी अभियान’ नामको डुङ्गा बारगुना जानको लागि राती ढाकाबाट निस्केको थियो । झालकोटी जिल्लाको सुगन्धा नदीमा पुगेपछि विहान डुङ्गाको इन्जिनमा आगो लागेको थियो ।

आगलागी हुँदा जलेर घाइते भएकाहरुको उपचार स्थानीय अस्पतालमा भइरहेको छ ।

डुङ्गामा कसरी आगो लाग्यो भन्ने बारे अहिलेसम्म केही बताइएको छैन ।