जनकपुरधाम,९ पुस । नेपाली कांग्रेस प्रदेश २ को सभापतिमा पार्टी सभापति शेरबहादुर देउवा समूहका कृष्णप्रसाद यादव विजयी भएका छन् ।

यादव ९९६ मत ल्याएर सभापतिमा निर्वाचित भएका हुन् ।

उनका निकटतम प्रतिद्वन्दी निधि-कोइराला समूहका उम्मेदवार रामसराेज यादवले मात्र ८५५ मत ल्याएका छन् । त्यस्तै ३० मत बदर भएकाे निर्वाचन समितिले जनाएको छ । कृष्णले रामलाई १४१ मतको अन्तरले पराजित गरेका छन् ।

रामसराेज प्रदेश २ का भाैतिक पूर्वाधार विकासमन्त्रीसमेत हुन् ।

नेपाली कांग्रेसको १४औं राष्ट्रिय महाधिवेशन सम्पन्न भइसक्दा प्रदेश २ को अधिवेशन भने विवादका कारण रोकिएको थियो ।

बिहीबार भएको मतदानमा १ हजार ९३८ प्रतिनिधिमध्ये १ हजार ८८१ जनाले मतदान गरेका थिए ।