जनकपुरधाम, ८ पुस । नेपाली काँग्रेसको प्रदेश २ कार्यसमितिको नयाँ नेतृत्वका लागि आज मतदान भईरहेको छ ।

रामचोकस्थित स्थानीय गोपाल धर्मशालामा बिहान ९ बजेर ४० मिनेटदेखि मतदान जारी रहेको छ ।

यसैबिच, मतदान स्थलमा पुगेर नेपाली काँग्रेसका नेता पूर्व उपसभापति विमलेन्द्र निधिले आफ्नो प्यानलका उम्मेदवार रामसरोज यादवको पक्षमा प्रतिनिधिहरूसँग भोट मागेका छन् ।

सभापति पदका लागि निधि–कोइराला प्यानलबाट प्रदेश २ सरकारका भौतिक पूर्वाधार विकासमन्त्री रामसरोज यादव र पार्टी सभापति शेरबहादुर देउवको प्यानलबाट रौतहटका जिल्ला सभापति कृष्ण प्रसाद यादवबिच प्रतिस्पर्धा भईरहेको छ ।

मतदानका लागि बिहानैदेखि प्रतिनिधिहरु लाइनमा लागेका छन् ।

गत चारदिनदेखि जनकपुरधाममा रहेका गृहमन्त्री बालकृष्ण खाँण भने आज काठमाडौं फर्केका छन् ।