रौतहटमा आगोमा जलेर दुई बालबालिकाको मृत्यु

रौतहट, ७ पुस । रौतहटमा आगोमा जलेर दुई बालबालिकाको मृत्यु भएको छ ।
म्ृत्यु हुनेमा जिल्लाको फतुवाविजयपुर नगरपालिका–१ बरगनिया बस्ने खेदु यादवका ३ वर्षीय छोरी आराध्या यादव र सन्दीप साहका ५ वर्षीया छोरा रोहित साह रहेका छन् ।
मंगलबार दिउँसो स्थानीय मद यादवको घरमा अचानक आगलागी हुँदा सोमा परेर आराध्याको घटनास्थलमै मृत्यु भएको प्रहरीले जनाएको छ ।
यस्तै बालक रोहितको उपचारको क्रममा बुधबार बिहान टिचिङ्ग अस्पताल काठमाडौंमा मृत्यु भएको इलाका प्रहरी कार्यालय विजयपुरका प्रहरी निरीक्षक विष्णु विश्वकर्माले जानकारी दिए ।
मदन यादवको खरको छानो भएको घरमा लागेको आगोबाट नजिकै खेतबाट काटेर दौनीका लागि राखिएको रामविश्वास यादवको धानमा आगलगी भएको थियो ।
सोहि क्रममा खेलिरहेका बालक जलेर गम्भीर घाइते भएका थिए ।

