झापा, १ पुस । झापामा बस र मोटरसाइकल आपसमा ठोक्किँदा २ जनाको मृत्यु भएको छ ।

मृत्यु हुनेमा मोटरसाइकल चालक इलामको रोङ गाउँपालिका–६ का ३३ वर्षीय सन्तोष राई र मोटरसाइकलमा पछाडि सवार सोही स्थानका करिब ३५÷४० वर्षीय चन्द्रबहादुर राई रहेको जिल्ला प्रहरी कार्यालयका प्रवक्ता प्रहरी नायब उपरीक्षक बसन्त पाठकले जानकारी दिए ।

प्रहरीका अनुसार जिल्लाको कनकाई नगरपालिका–७ स्थित दुर्गापुरमा बस र मोटरसाइकल आपसमा ठोक्किँदा उनीहरुको मृत्यु भएको हो ।

कनकाई–७ दुर्गापुरस्थित पूर्व–पश्चिम राजमार्गमा पूर्वबाट पश्चिमतर्फ जाँदै गरेको ना ५ ख ७९३७ नम्बरको बस र विपरीत दिशाबाट आउँदै गरेको मे ७ प २८४६ नम्बरको मोटरसाइकल बुधबार राति एकआपसमा ठक्कर खाएको उनले बताए ।

दुर्घटनाबाट गम्भीर घाइते उनीहरूलाई उपचारका लागि बिर्तामोडस्थित बिएण्डसी अस्पताल ल्याइएकामा उनीहरूको उपचारकै क्रममा मृत्यु भएको थियो ।