काठमाडौं, २५ मंसिर । नेपाली कांग्रेसका उपसभापति विमलेन्द्र निधिले सभापतिमा उम्मेदवारी दर्ता गराएका छन् ।

भृकुटीमण्डपस्थित राष्ट्रिय सभागृहमा आफ्ना समर्थक र शुभेच्छुकसहित निधिले सभापतिमा उम्मेदवारी दर्ता गराएका हुन् ।

निधिले भने, ‘मैले सभापतिमा उम्मेदवारी दर्ता गरेर आएको छु । मलाई जिताउन सबै महाधिवेशन प्रतिनिधिलाई आग्रह गर्दछु ।’

निधिले सभापतिमा मात्रै उम्मेदवारी दर्ता गराएका छन् । उनले प्यानल खडा गरेका छैनन् ।

यसअघि सभापतिमा कल्याण गुरुङले उम्मेदवारी दर्ता गराएका छन् । त्यस्तै, वर्तमान सभापति शेरबहादुर देउवा, नेताहरू प्रकाशमान सिंह, शेखर कोइरालाले पनि सभापतिमा उम्मेदवारी दिँदै छन् ।