जनकपुरधाम, ९ मंसिर । हात्तीको आक्रमणमा परि मृत्यु भएका व्यक्तिको परिवारलाई केन्द्र सरकारले १० लाख रुपैयाँ राहत प्रदान गरेको छ ।

धनुषाको मिथिला नगरपालिका वडा नम्बर–८ का ८० वर्षीय पदमबहादुर खपतडी मगरकी श्रीमती टुकीमाया खपतडी मगरलाई बिहिबार राहत स्वरूप १० लाख रुपैयाँको चेक हस्तान्तरण गरिएको हो ।

धनुषाका प्रमुख जिल्ला अधिकारी बन्धुप्रसाद बास्तोला र डिभिजन वन अधिकृत सुनिल कर्णले संयुक्त रुपमा मृतक परिवारलाई चेक प्रदान गरेका हुन् ।

२०७७ लाल चैत १६ गते घरमा सुतिरहेको समयमा जङ्गली हात्तीले आक्रमण गर्दा मगरको घटनास्थलमै मृत्यु भएको थियो ।