सप्तरी, २ मंसिर । प्रदेश २ को सप्तरी जिल्लामा राष्ट्रिय जनगणनामा खटिएका एक कर्मचारीलाई पदमुक्त गरिएको छ ।

आचार संहिताविपरीत क्रियाकलाप गरेको भन्दै सुपरीवेक्षक पदमा खटिएका मनोजकुमार मेहतालाई पदमुक्त गरिएको राष्ट्रिय जनगणना कार्यालय सप्तरीले जनाएको छ ।

कार्यालयका जनगणना अधिकारी सञ्जय कुमार चौधरीले सुपरीवेक्षक मेहताले आचार संहिताविपरीत कार्य गरेको पाइएकोले पदमुक्त गरिएको बताए ।

मेहतामाथि मैथिली मातृभाषा रहेका स्थानीयहरूलाई उनले अर्कै भाषा लेखाउन प्रेरित गरेको आरोप छ ।