मुस्ताङको कोबाङ क्षेत्रमा हिमपहिरो, भागदौड हुँदा ९ जना घाइते
मुस्ताङ, २८ कार्तिक । मुस्ताङको कोबाङ क्षेत्रमा आइतबार दिउँसो हिमपहिरो खसेको छ ।
मुस्ताङका प्रहरी प्रमुख डीएसपी रामकुमार दानीले आइतबार दिउँसो मानापाथी हिमालबाट ठूलो हिमपहिरो खसेको जानकारी दिए ।
उनका अनुसार हिमपहिरोका कारण कुनै क्षति भएको वा नभएको पुष्टि भएको छैन । उनले भने,‘प्रहरी त्यहाँ पुग्दैछ, विवरण आएको छैन ।’
हिमपहिरोको डरले भागदौड हुँदा ९ जना घाइते भएका छन् । प्रहरीका अनुसार भागदौडमा फेदी थासाङ गाउँपालिका– २ को जनआदर्श माविका शिक्षक र विद्यार्थी सामान्य घाइते भएका हुन् ।
