जनकपुरधाम, २० कार्तिक । प्रहरीले महोत्तरीबाट लागुऔषधसहित दुई युवकलाई पक्राउ गरेको छ ।

पक्राउ पर्नेहरूमा सोनमा गाउँपालिका–३ बस्ने १८ वर्षीय अञ्जित यादव र २४ वर्षीय सिकिन्द्र यादव रहेका छन् ।

भारतबाट लागुऔषध बोकी सम्सी गाउँपालिका–६ स्थित बजारमा आएका बेलामा प्रहरीले शंका लागी चेकजाँच गर्दा दुवैजना पक्राउ परेको जिल्ला प्रहरी कार्यालय महोत्तरीले जनाएको छ ।

उनीहरूको साथबाट प्रहरीले दुई बोतल एकिझप्लौन सिरप, १८ थान स्पास्मो प्रोक्स ट्याब्लेट र नौ थान नाइट्रोजन ट्याब्लेट बरामद गर्नाका साथै दुई थान मोबाइल र बी आर ३० यु ६९५४ नम्बरको मोटरसाइकल पनि नियन्त्रणमा लिएको छ ।

प्रहरीले घटनाबारे थप अनुसन्धान गरी कारबाही अगाडि बढाउने जनाएको छ ।