जनकपुरधाम, १६ कार्तिक । दीपावलीको महत्व दर्शाउने उद्देश्यका साथ जनकपुरधामस्थित एसएम स्कुलले एउटा फरक क्रियाकलाप गरेको छ ।

दीपावलीको महत्व बुझाउन तथा आफ्नो संस्कृतिको बिषयमा जगेर्ना गर्न बिद्यार्थीहरुसँग विद्यालयले दियो संकलन गरेको हो ।

विद्यालयका सञ्चालक दिपक ठाकुरले प्रत्येक विद्यार्थीबाट एक/एक दियो संकलन गरिएको र सो दियोहरुलाई लक्ष्मीपूजाको दिन विद्यालयमा बाल्ने जानकारी दिए । उनले यस क्रियाकलापबाट बिद्यार्थीहरुमा एक प्रकारको खुशीको लहर समेत छाएको बताए ।

आधुनिकताले गर्दा तिहार लोप हुँदै गईरहेको अबस्थालाई ध्यानमा राखी बच्चालाई सचेत गराउने उद्देश्यले आफ्नै घरमा बनाएको दियो बालि तिहार मनाउन विद्यार्थी तथा शिक्षकहरुद्वारा आम नागरिकमा अपिल गरिएको बताए । ठाकुरले स्वदेशी सामग्रीको प्रयोग गरी आफ्नो धर्म संस्कृति जोगाउनु सबैको दायित्व रहेको बताए ।

बिद्यार्थीहरुले आ–आफ्नो दियोलाई बिभिन्न रंगमा सजाएर विद्यालयमा लगेका थिए ।

एसएम स्कुलले यसअघि पनि बिभिन्न किसिमका रोचक कार्यक्रमहरु आयोजना गर्दै आएका छन । विद्यालयले प्रत्येक शुक्रबार बिभिन्न किसिमका चित्रकला, खाना बनाउने प्रतियोगिता, ड्रेस कम्पिटिसन जस्ता कार्यक्रमहरु निरन्तर आयोजना गर्दै आईरहेको छ ।