काठमाडौं, १४ कार्तिक । नेपालमा पछिल्लो २४ घण्टामा ४०८ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार ५ हजार ७३१ पीसीआर परीक्षणमा ३७६ र २ हजार १६८ एन्टिजेन परीक्षणमा ३२ जनामा संक्रमण पुष्टि भएको हो ।

पछिल्लो २४ घण्टामा ५१८ जना संक्रमणमुक्त भएका छन् भने कोरोना संक्रमणका कारण ८ जनाको मृत्यु भएको छ ।

योसँगै नेपालमा कोरोना संक्रमितको कुल संख्या ८ लाख १२ हजार ५७० पुगेको छ भने मृत्यु हुनेको संख्या ११ हजार ४०७ पुगेको छ ।त्यस्तै, ७ लाख ९१ हजार ७८७ जना संक्रमणमुक्त भएका छन् ।

मन्त्रालयका अनुसार हाल देशभर सक्रिय संक्रमितको संख्या ९ हजार ३७६ जना रहेका छन् । जसमध्ये ८ हजार ६१५ जना होम आइसोलेसनमा रहेका छन् भने ७६१ जना संस्थागत आइसोलेसनमा रहेका छन् ।

कोरोनाका बिरामीमध्ये २२५ जना आईसीयू र ७० जना भेन्टिलेटरमा उपचाररत छन् ।