जनकपुरधाम, १४ कार्तिक । महोत्तरीमा एक महिलामाथि उनका जेठाजुले मरासन्न हुने गरी कुटपिट गरेका छन् ।

जिल्लाको सम्सी गाउँपालिका–७ की २८ वर्षीया सीमा यादवमाथि घरायसी विवाद हुँदा शनिबार राति उनका ४० वर्षीय जेठाजु जोगेन्द्र यादवले निर्घात कुटपिट गरेका हुन् ।

जेठाजुको कुटाईबाट सीमा गम्भीर घाइते भएकी छन् । उनलाई उपचारका लागि जनकपुरधामस्थित बौधीमाइ हस्पिटलमा भर्ना गरिए परिवारजनले जनाएका छन् ।

कुटपिटपछि जेठाजु फरार भएको र उनको खोजी भईरहेको प्रहरीले जनाएको छ ।

सीमाका श्रीमान् मनोज यादव करिब २ वर्ष देखि वैदेशिक रोजगारीमा छन् ।