–विनोदकुमार महतो
महेन्द्रनगर, १२ कार्तिक । धनुषामा ३ छोराछोरीसहित करिव दुई हप्तादेखि वेपत्ता सुनिता घर फर्केकी छिन् । उनी कार्तिक १० गते परिवारको सम्पर्कमा आएर ११ गते घर आएकी छन् ।

धनुषाको मिथिला नगरपालिका वडा नं.२ बस्ने ३५ वर्षीय श्याम सुन्दर महतोको श्रीमति २७ वर्षीया सुनिता देवी महतो आफ्ना तीन छोराछोरी सहित गत असोज २९ गतेदेखि वेपत्ता भएकी थिईन् । गत असोज २९ गते विहान करिव साढे ९ बजेको समयमा घरबाट एक छोरा र दुई छोरीसहित आफ्नो माइती धनुषाधाम नगरपालिका वडा नं. ५ नौसय विग्हास्थित ढांगर टोल जाने भन्दै निस्केकी सुनिता वेपत्ता भएपश्चात अन्ततः कार्तिक ११ गते घर फर्केकी छन् ।

धनुषाधाम नगरपालिका वडा नं. ५ नौसय विग्हास्थित ढांगर टोल बस्ने विशुन महतोको छोरी सुनिता आफ्नो ६ वर्षीय छोरा किशनजीत महतो र छोरीद्धय वर्ष ५ की राजनन्दनी महतो र डेढ वर्षकी रागनीसँगे वेपत्ता भएकी थिईन् । सुनिताको श्रीमान् श्यासुन्दरका अनुसार सुनिता एक जना आफन्तकै घरमा बसेकी थिईन् र विहिवार घर फर्केकी छन् ।

घरमा त्यस्तो कुनै झैझगडा नभएपनि गत असोज २८ गते राति श्रीमान श्रीमतिबीच सामान्य विवाद हुँदा त्यसको भोलिपल्ट असोज २९ गते विहान करिव साढे ९ बजेको समयमा रिसमा आएर सुनिता बच्चा लिएर माइती जाने भनेर हिँडेकी थिईन् । तर माइती नगई उनी टाढाको आफन्तको घरमा गएर बसेकी थिईन् ।

श्यामले श्रीमति वेपत्ता घटना सम्बन्धमा ईलाका प्रहरी कार्यालय महेन्द्रनगरमा खोजविनका लागि गत आइतबार निवेदन समेत दिएका थिए ।