एजेन्सी, ७ कार्तिक । क्रिकेट मन पराउने दर्शकका लागि भारत र पाकिस्तानबिचको खेल विशेष हुने गरेको छ । अझ पाकिस्तान र भारतमा त यस्तो खेल हुनुभन्दा अगाडि नै ठूलो उत्सव आएको जस्तै हुन्छ ।

यसपटक विश्वकप टी–२० मा यो खेल हुनु हुँदैन भनेर भारतका केही नेताहरुले समेत आवाज उठाएका थिए ।

तर, विश्वकप प्रतियोगितामा यी दुई देश एकआपसमा नखेल्ने भन्ने कुरै भएन । आज साँझ नेपाली समयअनुसार सवा ७ बजे २०४५ दिनपछि टी–२० फम्र्याटमा यी दुई देश एकअर्कासँग खेल्दैछन् ।

इतिहासलाई हेर्ने हो भने टी–२० फम्र्याट भारतसँग खेल्दा पाकिस्तानका लागि खासै सुखद हुन सकेको छैन । पाकिस्तानले यसअघि भारतसँग खेलेका पाँचै वटा टी–२० मा पराजय भोगेको छ ।