काठमाडौं । प्रधानमन्त्री शेरबहादुर देउवाले विजयादशमीका अवसरमा गुरु टिकाराम घिमिरेबाट टीका र जमरा ग्रहण गरेका छन् ।

प्रधानमन्त्री निवास बालुवाटारमा बिहान १० बजेर २ मिनेटको शुभसाइतमा प्रधानमन्त्री देउवाले टीका, जमरा र प्रसाद ग्रहण गरेका हुन् ।

प्रधानमन्त्री देउवाले प्रथम महिला डा.आरजु देउवा र छोरा जयवीर देउवालाई समेत दशैंको टीका लगाइदिएका छन् ।

प्रधानमन्त्रीको निजी सचिवालयले कोरोना महामारीको जोखिम कायमै रहेकाले स्वास्थ्य मापदण्ड अपनाएर प्रधानमन्त्री देउवाले सीमित रुपमा परिवार, आफन्तजन तथा प्रधानमन्त्रीको सचिवालय र सुरक्षामा खटिने सुरक्षाकर्मीहरुलाई टीका लगाइदिएको जनाएको छ ।

कोरोना महामारीको जोमिखलाई मध्यनजर गर्दै प्रधानमन्त्री देउवाले यस पटक सर्वसाधरणलाई टीका लगाएका छैनन् ।