सप्तरी, १२ मंसिर । सप्तरीको सुरुङगा नगरपालिका–११ स्थित सार्वजनिक दहमा डुबेर एक वृद्धको मृत्यु भएको छ ।

खजनपुर टोलका ७० वर्षीय रामदेव मण्डल शुक्रबार बिहान पानीमा घोप्टो परेको अवस्थामा मृत फेला परेका हुन् ।

मण्डललाई दहमा डुबेको देखेपछि स्थानीयले तुरुन्तै प्रहरीलाई खबर गरेका थिए । सूचना पाएपछि घटनास्थल पुगेको प्रहरी टोलीले आवश्यक मुचुल्का उठाई घटनाबारे थप अनुसन्धान सुरु गरेको जिल्ला प्रहरी कार्यालय सप्तरीका प्रहरी नायब उपरीक्षक डम्बरबहादुर पुरीले जानकारी दिए ।

डीएसपी पुरीका अनुसार मृतकको शवलाई पोष्टमार्टमका लागि प्रादेशिक अस्पताल लहान लगिएको र परीक्षणपछि परिवारको जिम्मा लगाइिएको छ । घटनाको कारणबारे अनुसन्धान जारी रहेको प्रहरीले जनाएको छ ।