सप्तरी, ४ मंसिर । जिल्ला प्रहरी कार्यालय सप्तरीले फरार चारजनालाई पक्राउ गरी जिल्ला अदालतमा बुझाएको छ ।

विभिन्न आपराधिक मुद्दामा दोषी ठहरिएका र लामो समयदेखि फरार रहेका यी व्यक्तिहरूलाई फैसला कार्यान्वयनका क्रममा खोजतलासपछि नियन्त्रणमा लिइएको हो ।

पक्राउ परेकामध्ये राजविराज नगरपालिका–७ का शिवनारायण यादव ‘कुटपिट तथा अंगभंग’ मुद्दामा १६ हजार ६ सय रुपैयाँ जरिवाना तिर्न बाँकी रहेको व्यक्ति हुन् । त्यस्तै, राजविराज–९ का सरोजकुमार यादव ‘लुटपाट’ मुद्दामा एक हजार रुपैयाँ जरिवाना भुक्तान गर्नुपर्ने अवस्थामा फरार थिए ।

यस्तै, बिष्णुपुर गाउँपालिका–६ का महेन्द्रकुमार राय र सोही ठाउँका समिर उर्फ कारी राय दुवै ‘कुटपिट’ मुद्दामा दुई÷दुई हजार रुपैयाँ जरिवाना भुक्तान गर्न बाँकी रहेको प्रहरीले जनाएको छ । चारैजनामाथि कुल २१ हजार ६ सय रुपैयाँ जरिवाना तोकिएको छ ।

सप्तरी प्रहरीका प्रवक्ता डम्बरबहादुर पुरीका अनुसार पक्राउ परेका सबैलाई आवश्यक कारबाहीका लागि जिल्ला अदालतमा बुझाइएको छ ।