जनकपुरधाम, ३ मंसिर । मधेश प्रदेशका सभामुख रामचन्द्र मण्डलले पदअनुकुल आचरण नगरेको आरोपमा दर्ता भएको प्रस्तावमाथि छलफल गर्न आज प्रदेशसभा बैठक बस्दैछ ।

प्रदेशसभा सचिवालयका अनुसार बैठक दिउँसो १ बजेका लागि आह्वान गरिएको हो ।

बैठकमा सहभागिताका लागि प्रदेशसभा सचिवालयले सामाजिक सञ्जाल समूहमार्फत सांसदहरूलाई सूचना पठाएको छ ।

गत कार्तिक २७ गते सात दलीय गठबन्धनका ६४ जना प्रदेश सांसदले सभामुख मण्डलविरुद्ध प्रस्ताव दर्ता गराएका थिए । कानुनी प्रावधानअनुसार यस्तो प्रस्तावमाथि एक साताभित्र सदनमा छलफल गर्नुपर्ने भएकाले आजको बैठक महत्वपूर्ण बनेको छ ।

उपसभामुख बबिता राउत ईशरको निर्देशनमा बैठक बोलाइएको हो । सात दलीय गठबन्धनका ३२ जना सांसदले मंगलबार उपसभामुखलाई ज्ञापनपत्र बुझाउँदै बैठक आह्वान गर्न आग्रह गरेका थिए ।