जनकपुरधाम, १५ कार्तिक । मैथिली साहित्य समाज जनकपुरधामद्वारा आयोजित मासिक कविगोष्ठीको १४१औँ श्रृंखला शनिबार सम्पन्न भएको छ ।

कार्यक्रममा स्थानीय कवि, साहित्यकार तथा साहित्यप्रेमीहरूको उत्साहजनक सहभागिता रहेको थियो ।

गोष्ठीमा वरिष्ठ र नवोदित कविहरूले समसामयिक विषय, सामाजिक यथार्थ र मानव संवेदना झल्काउने रचनाहरू प्रस्तुत गरेका थिए ।

कविगोष्ठीको अध्यक्षता समाजका अध्यक्ष शतकविर काशिकान्त झाले गरेका थिए । कार्यक्रममा वक्ताहरूले मैथिली साहित्यको निरन्तरता र नयाँ पुस्तामा सिर्जनशील चेतना जगाउन यस्ता नियमित गोष्ठीहरू महत्वपूर्ण भूमिका खेल्ने धारणा व्यक्त गरे ।

समाजले प्रत्येक महिनाको नियमित कविगोष्ठीमार्फत स्थानीय स्रष्टाहरूलाई अभिव्यक्तिको मञ्च प्रदान गर्दै आएको छ ।