जनकपुरधाम, १५ कार्तिक । हिन्दु धर्मावलम्बीले कार्तिक शुक्ल एकादशीका दिन मनाउने विशेष पर्व हो, हरिबोधिनी एकादशी । यसलाई प्रबोधिनी वा देवोत्थान एकादशीसमेत भनिन्छ ।

हरिबोधिनी २४ वटा एकादशीमध्ये अन्तिम र सबैभन्दा ठूलो एकादशी भएकाले यसलाई ‘ठूली एकादशी’ पनि भनिन्छ ।

आज जनकपुरधामको जानकी मन्दिरमा बिहानैदेखि भक्तजनको घुइँचो लागेको थियो ।

अषाढ शुक्ल एकादशी अर्थात् हरिशयनी एकादशीदेखि कार्तिक शुक्ल एकादशी अर्थात् हरिबोधिनी एकादशीका दिनसम्म तुलसीको विशेष पूजा–आराधना गरिन्छ । यसपछि शास्त्रीय विधिअनुसार दामोदरसँग तुलसीको विवाह गरिदिने प्रचलनसमेत रहेको छ ।

अषाढ शुक्ल एकादशी अर्थात् हरिशयनी एकादशीका दिन क्षीर सागरमा शयन गरेका भगवान विष्णु चार महिनापछि अर्थात् आजकै दिन ब्युँझन्छन् भन्ने धार्मिक विश्वास रहिआएको छ ।

तस्वीरमा जानकी मन्दिरमा श्रद्धालुहरूः