जनकपुरधाम, ५ कार्तिक । प्रसिद्ध उद्योगपति एवम् समाजसेवी विश्वनाथ साहले आज छठ पर्वका अवसरमा स्थानीय व्रतालुहरूलाई साडी, खाद्यान्न सामग्री र नगद सहयोग प्रदान गरेका छन् । यस अवसरमा प्रमुख अतिथिको रूपमा जानकी मन्दिरका उत्तराधिकारी महन्थ रामरोशन दास उपस्थित थिए ।

उद्योगपति साहले सामाजिक उत्तरदायित्वअनुसार छठ पर्वको निष्ठापूर्वक पालन गर्ने व्रतालुहरूको सहयोग गर्न यो कार्यक्रम आयोजना गरेका हुन् । कार्यक्रममा उपस्थित व्रतालुहरूलाई परम्पराअनुसार नयाँ साडी वितरण गरिएको थियो भने दैनिक उपभोग्य खाद्यान्न सामग्री र नगद आर्थिक सहयोग पनि प्रदान गरियो ।

महन्थ दासले भने, ‘यस प्रकारको सहयोगले धर्म र संस्कृतिप्रति व्रतालुहरूको आस्था अझ दृढ हुन्छ । दाता विश्वनाथ साहजस्ता सामाजिक उत्तरदायी व्यक्तित्वहरूले समाजमा सकारात्मक उदाहरण प्रस्तुत गरिरहनु भएको छ ।’

कार्यक्रममा उपस्थित व्रतालुहरूले दाताको सहयोगलाई अत्यन्तै सराहना गर्दै धार्मिक पर्वको आनन्द सँगसँगै सामाजिक सद्भावको अनुभव प्राप्त भएको प्रतिक्रिया दिएका थिए ।

साहले छठ पर्वका अवसरमा यस्तो सहयोगलाई परम्परागत रूपमा जारी राख्ने प्रतिवद्धता व्यक्त गरेका छन् । उनले यस्ता कार्यले स्थानीय समुदायमा पर्वको धार्मिक र सांस्कृतिक महत्वलाई अझ प्रगाढ बनाउने विश्वास व्यक्त गरे ।