सप्तरी, १० असोज । सप्तरीको बोदेबर्साइन नगरपालिका–९ स्वर्णपट्टी टोलका ५० वर्षीय हंसलाल यादवको पोखरीमा डुबेर मृत्यु भएको छ ।

जिल्ला प्रहरी कार्यालय सप्तरीका प्रहरी नायब उपरीक्षक जितेन्द्र कुमार बस्नेतका अनुसार यादव बिहीबार साँझ घरबाट निस्किएका थिए । तर, रातिसम्म घर नफर्किएपछि परिवारले खोजी थालेको थियो ।

शुक्रबार बिहान उनको खोजी गर्ने क्रममा घर नजिकैको सार्वजनिक पोखरीमा मृत अवस्था फेला परेका थिए ।

प्रहरीले घटनास्थल सुरक्षित राखेर आवश्यक अनुसन्धान अघि बढाएको बताएको छ ।