काठमाडौँ, ५ असोज । प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले आइतबार जगदीश खरेललाई सञ्चार तथा सूचना प्रविधि मन्त्रीको पदमा नियुक्त गरेका छन् ।

पत्रकारितामा दुई दशकभन्दा बढी अनुभव राख्ने खरेल इमेज टिभीका समाचार प्रमुखका रूपमा परिचित छन् ।

उनी त्रिभूवन विश्वविद्यालयबाट पत्रकारिता तथा आमसञ्चारमा स्नातकोत्तर गरेका हुन् भने वर्तमानमा अन्तर्राष्ट्रिय सम्बन्ध तथा कूटनीतिक विषयमा विद्यावारिधी गरिरहेका छन् ।

उनको नियुक्तिसँगै सञ्चार, सूचना प्रविधि र सञ्चारकर्मीका अधिकार र आवश्यकता सम्बन्धी नीति तथा कार्यक्रमहरूमा नवीन पहल अघि बढाउने विश्वास गरिएको छ ।