महोत्तरी, ४ असोज । समाजमा प्रहरी–जनसम्बन्ध सुदृढ बनाउन स्थानीय व्यवसायीले गरेको सहयोगले महत्वपूर्ण भूमिका खेलेको छ ।

जलेश्वरस्थित बजाज सोरुमका सञ्चालक सन्तोष कुमार साहले ट्राफिक प्रहरी कार्यालय जलेश्वरलाई दैनिक कार्य सञ्चालनमा सहयोग पुग्ने विभिन्न सामग्री हस्तान्तरण गरेका छन् ।

साहले प्रदान गरेको सामग्रीमा ५ थान डस्ना, ४ पिस तकिया, ५ पिस तन्ना, ४ पिस कुर्सी, ४ पिस झुल, ३ पिस पंखा, १ पिस प्लास्टिक टेबल, १ थान डिस्पेन्सर र अन्य स्टेशनरी सामग्रीहरू समावेश छन् ।

ट्राफिक प्रहरी कार्यालयले प्राप्त सामग्रीहरूले कार्यालयको कार्यक्षमता बढाउन सहयोग पुग्ने बताउँदै व्यवसायी साहप्रति आभार प्रकट गरेको छ ।

कार्यालयका एक अधिकृतले भने, ‘प्रहरीलाई सहयोग गर्ने यस्ता पहलहरूले जन–प्रहरी सम्बन्ध अझ मजबुत बनाउँछ र सेवामा थप सहजता ल्याउँछ ।’

व्यवसायी साहले सामाजिक उत्तरदायित्वअन्तर्गत यो सहयोग गरिएको जानकारी दिँदै आगामी दिनमा पनि स्थानीय आवश्यकताअनुसार सहयोग गर्न आफू प्रतिबद्ध रहेको बताए ।