नवलपुर, २५ साउन । गैँडाकोडमा भएको सवारी दुर्घटनामा दुई जनाको मृत्यु भएको छ ।

गैँडाकोटबाट कावासोतीतर्फ आउँदै गरेको ना ५ ख ८४३१ नम्बरको ट्रकले विपरित दिशामा गइरहेको लु ५५ प ३१३४ नम्बरको स्कुटरलाई ठक्कर दिँदा दुर्घटना भएको जिल्ला प्रहरी कार्यालय नवलपुरले जनाएको छ ।

दुर्घटनामा स्कुटर चालक कावासोती वडा नं. ३ का दुलबहादुर सुनारको घटनास्थलमै मृत्यु भएको छ भने ट्रकमा सवार अर्का एक जनाको पनि मृत्यु भएको छ । उनको पहिचान अझै हुन सकेको छैन ।

जिल्ला प्रहरी कार्यालयका सूचना अधिकारी प्रहरी नायव उपरीक्षक मधु नेपालले घटनाको थप अनुसन्धान भइरहेको जानकारी दिए ।