जनकपुरधाम, २४ असार । धनुषा जिल्ला भारोत्तोलन संघको नेतृत्वमा पूर्व राष्ट्रिय स्तरका भारोत्तोलन खेलाडी सरोज यादव चयन भएका छन् ।

हालै सम्पन्न संघको बैठकले यादवलाई सर्वसम्मत रूपमा अध्यक्षमा चयन गरेको हो ।

खेलकुदप्रति लामो समयदेखि समर्पित रहँदै आएका यादवको नेतृत्वमा अब जिल्ला र प्रदेश स्तरमा भारोत्तोलन खेलको थप विकास र विस्तार हुने विश्वास व्यक्त गरिएको छ ।

अध्यक्ष यादवले आफ्नो अनुभव र प्रतिबद्धता उपयोग गरी खेलाडीको क्षमता विकास, प्रशिक्षणको सुविधा विस्तार र प्रतियोगिता आयोजना गर्ने योजना सार्वजनिक गरेका छन् ।

धनुषामा पछिल्लो समय खेलकुद क्षेत्र विस्तार हुँदै गएको सन्दर्भमा सरोज यादवको चयनले भारोत्तोलन खेलमा नयाँ ऊर्जा थपिने अपेक्षा गरिएको छ ।