जनकपुरधाम, ८ असार । धनुषाको कमला नगरपालिका–४ का वडाध्यक्ष दिपक गोहिबार (पप्पु) ले आफ्नो वडाबाट प्रथम मेयर कप क्रिकेट प्रतियोगितामा सहभागी हुन लागेको १७ जना खेलाडीलाई जर्सी र खेल सामग्रीहरू वितरण गरेका छन् ।

कमला नगरपालिकाको आयोजनामा भइरहेको उक्त प्रतियोगिताका लागि वडा नं–४ बाट प्रतिनिधित्व गर्ने खेलाडीहरूलाई जर्सीसँगै ब्याट, बल र विकेट प्रदान गरिएको हो ।

खेल सामग्री वितरण कार्यक्रममा वडाध्यक्ष गोहिबारले भने, ‘स्थानीय युवा खेलाडीहरूलाई उत्साहित गर्न र खेल संस्कृति प्रवद्र्धन गर्न वडाले सधैं सकारात्मक सहयोग गर्दै आएको छ । खेलमैदानमा सक्रिय युवाहरू नै हाम्रो भविष्य हुन् ।’
कार्यक्रममा वडा सदस्यहरू हृदय मुखिया, बबिता देवी दास, अमोद मरिक र राम पदारथ सल्हैताको उपस्थिति रहेको थियो ।

स्थानीय सरकारको यस्तो सक्रियताले वडास्तरीय खेल विकास र युवामाझ आत्मविश्वास वृद्धि गर्न महत्त्वपूर्ण भूमिका खेल्ने विश्वास व्यक्त गरिएको छ ।